Grupi “Eagles Of Death Metal” është rikthyer në Paris, tre muaj pas masakrës në teatrin “Bataclan”, ku terroristët vranë 90 njerëz.
Grupi kalifornian dha shfaqje në teatrin “Olympia”, ku në sallën e mbushur ishin ftuar edhe të mbijetuarit dhe të afërmit e viktimave “Bataclanit”. Këngëtari Jesse Hugues i ka kërkuar shpesh herë turmës të qëndronte në heshtje, për të kujtuar viktimat e masakrës së 13 nëntorit.
“Ju e dini se sa i emocionuar jam, më ndihmoni të këndoj”, tha solisti.
“Eagles Of Death Metal” nuk e kënduan këngën “Kiss The Devil”, të cilën po e interpretonin në teatrin “Bataclan”, në momentin kur terroristët hapën zjarr mes turmës.
