Me buzët e saja të trasha, sytë e mëdhenj dhe një fytyrë si kukull, kjo vajzë duket sikur është nxjerrë nga një lojë elektronike.
Dhe nuk është çudi që modelja e famshme në Instagram, Lil Miquela, ka bërë që 65,000 fansat e saj të debatojnë nëse ajo është një person i vërtetë apo jo.
Miquela poston rregullisht fotografi në llogarinë e saj në Instagram, duke pozuar para klubeve të natës, galerive të artit dhe vendeve të tjera, transmeton Gazeta Express.
Në mesin e fansave të saj është ngritur një debat nëse ajo është e vërtetë apo një personazh i ndonjë loje elektronike.
Disa argumentojnë se tiparet e saj janë shumë të ekzagjeruara dhe e bëjnë atë të duket si një kukull. Disa insistojnë se ajo është dizajnere grafike, e cila i modifikon fotografitë e saja dhe i bën ato të duken më digjitale.
