Bullgari shfaqi anën më të shëmtuar në ndeshjen kundër Anglisë. Ekipi bullgari humbi me rezultatin 0-6, por në krahun tjetër tifozët shfaqën shenja racizmi gjatë gjithë ndeshjes. Ata bënë kore si majmunë dhe shenja naziste kundër futbollistëve me ngjyrë të “3 Luanëve”.
Policia bullgare ndaloi 4 prej tyre dhe u mendua se do të kishte reagim të fortë, por ishte një flluskë sapuni. Të arrestuarit, mes tyre ishte dhe një i mitur, qëndruan 48 orë në parapurgim dhe aq. Policia i gjobiti me 450 euro dhe i la të lirë.
Sjellja e policisë ka shkaktuar një zemërim të madh në shtetin bullgar, pasi duket se shteti nuk e ka marrë seriozisht çështjen e racizmit. Bullgaria është përballur disa herë me akuza të tilla, jo vetëm në nivel kombëtareje, por dhe në nivel klubesh.
/a.r
