E tmerrshme/ Pëson frakturë në këmbë në festën e beqarisë, vdes 8 ditë pas dasme
Ai quhej Ben Aucott, ishte 40 vjeç nga Hinckley, qytezë në Britaninë e Madhe, i cili u bë protagonist i një aventure dramatike. Ndërroi jetë tetë ditë pas martesës së tij, për shkak të një mpiksje gjaku të shkaktuar nga fraktura e pësuar në kavilje, ditën që me shokët e tij bënte festën e beqarisë. Incidenti në pamje të parë dukej banal dhe pa pasoja të rënda, por ai jo vetëm që u detyrua të qëndrojë në karrocë me rrota për disa ditë, por pas kurorëzimi të martesës gjendja e tij u rëndua, deri sa gjeti vdekjen. Gruaja e re tha pas vdekjes së tij dy ditë më parë se, “Ben ishte një person i adhurueshëm. Për mua një i dashur, një mik, personi më i shtrenjtë i jetës dhe një muzikant i shkëlqyer. Jam e shkatërruar. Nuk mund ta besoj që nuk jeton më. vetëm një javë më parë festuam ditën më të bukur të dashurisë tonë”. Sipas mjekëve Aucott gjeti vdekjen prej mpikjes së gjakut të shkaktuar nga fraktura, raporton lajmifundit.al.
