Meghan Markle ka marrë titullin e anëtares më inteligjente të familjes mbretërore britanike, sipas një studimi të ri nga “Oxford Royale”.
Duke përdorur rezultatet e nivelit A të anëtarit të familjes mbretërore dhe duke parë renditjen e universiteteve ku ata studionin, akademia ishte në gjendje të krijonte një renditje përfundimtare të trurit akademik të familjes.
Për të përcaktuar se cilët universitete ishin më të mirët, “Oxford Royale” përdori renditjen e universiteteve botërore QS, e cila e bazon listën e tyre në secilin prej 1350 institucioneve sipas reputacionit të tyre akademik, reputacionit të punëdhënësit dhe raportit fakultet-student.
Meghan doli në krye pasi është e diplomuar në Universitetin Northwestern në Evanston, Illinois – e cila renditet e 30-ta në renditjen botërore të QS për vitin 2021 – ku ajo studioi për diplomën e saj të dyfishtë në studime teatrale dhe marrëdhënie ndërkombëtare.
“Jeta si mbretëreshë nuk është gjithmonë një punë e lehtë dhe përfshin shumë përballje me shqyrtimin e gjerë dhe jetën në qendër të vëmendjes së publikut, dhe forcat akademike të Meghan Markle e kanë pajisur atë në mënyrë të përkryer për këtë rol”, tha Oxford Royale në një deklaratë.
Ndërkohë, Dukesha e Kembrixhit, Kate Middleton zuri vendin e dytë si ish-studente në Kolegjin privat Marlborough në Wiltshire, Angli, ku arriti notat A në matematikë dhe art, dhe një B në anglisht për nivelin e saj A.
/b.h
