Françeska Jaçe, e njohur si modele, por që u bë e njohur në “Big Brother”, është shpallur në kërkim nga Policia e Tiranës, pasi rrahu ish-shoqen e saj. Ngjarja për të cilën tashmë ka nisur procedim penal ndaj Jaçes, ka ndodhur rreth orës 21:30 të së hënës, në një lokal në zonën e ish-Bllokut, në kryeqytet.
Shoqja e modeles, 28- vjeçarja Katerina Beqo, me të cilën kishte miqësi të ngushtë ka dhënë deklarimet në Komisariatin nr.2, gjatë kallëzimit që bëri pas ngjarjes, shkruan Panorama.
Katerina Beqo u shpreh se incidenti me Françeskën ka ndodhur për motive xhelozie, pa shpjeguar se çfarë lloj xhelozie bëhej fjalë.
Gjithashtu, ajo ka shpjeguar se deri para disa muajsh vajzat kanë qenë shoqe bashkë, por miqësia e tyre u prish, sipas saj, për faj të Françeskës dhe momentalisht nuk takoheshin më.
Ndërsa mbrëmjen e së martës kanë rastisur në të njëjtin lokal te rruga “Nikolla Tupe”, në zonën e ish-Bllokut, ku kanë nisur të shkëmbejnë batuta me ironi në drejtim të njëra-tjetrës.
Sipas të dëmtuarës, Françeska, e cila kishte pirë disa gota alkool deri në atë moment, është nxehur nga frazat ironike dhe i është drejtuar asaj duke e goditur me grushte në fytyrë e në kokë. Ajo ka vazhduar, deri sa kanë ndërhyrë miqtë e tyre të përbashkët për t’i ndarë.
Panorama
