Në raportimin ditor rreth situatës pandemike në vend, Ministria e Shëndetësië njofton se janë shënuar 7 viktima.
Por ajo që e bën të rëndë lajmin është vdekja e një të riu 21-vjeçar.
Burime për JavaNews nga spitali ‘Covid 1’, njohur ndryshe si Infektivi, bëjnë të ditur se ai ka qenë prej disa ditësh nën kujdesin e mjekëve.
Të njëjtat burime saktësojnë se 21-vjeçari është një qytetar nga Durrësi, teksa nuk saktësohet nëse vuante nga sëmundje bashkëshoqëruese.
Ministria tha sot se me gjithë përpjekjet e mjekëve 7 qytetarë të tjerë nuk e kanë fituar betejën me COVID19: 2 qytetar nga Durrësi, 1 qytetar nga Tirana, 1 qytetar nga Tropoja, 1 qytetar nga Berati, 1 qytetar nga Pogradeci, 1 qytetar nga Elbasani, të moshave 21-77 vjeç.
/a.r
