Dy vëllezër janë dëmtuar mbrëmjen e së Dielës si pasojë e një aksidenti të ndodhur në Maliq.
Sipas policisë, automjeti me të cilin ata po udhëtonin ka dalë nga rruga. Të dy të rinjtë ndodhen në spital duke marrë kujdesin shëndetësor, ndërsa po kryhen hetimet për zbardhjen e plotë të ngjarjes.
“Mesnatën e djeshme, në rrugën “Zvezdë-Pojan”, Maliq, shtetasi G. A., rreth 27 vjeç, banues në fshatin Pojan, duke drejtuar automjetin tip “Volksëagen”, dyshohet se ka humbur kontrollin dhe për pasojë, automjeti ka dalë nga rruga. Nga ky aksident janë dëmtuar shtetasi G. A. dhe vëllai i tij, shtetasi K. A., 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve. Grupi hetimor po kryen veprimet procedurale dhe vijon puna për përcaktimin e shkakut të këtij aksidenti”, thotë policia.
/a.r
