Pas përfundimit të mbledhjes së Këshillit Kombëtar të Partisë Demokratike që u mbajt këtë të mërkurë, më 17 dhjetor, kryetari i kësaj force politike Sali Berisha doli në një prononcim të shkurtër për mediat, ku adresoi çështjet e diskutuara në këtë takim, ndërsa iu përgjigj dhe pyetjeve të gazetarëve.
Berisha u pyet nëse do ta përjashtojë nga PD ish-deputetin Ervin Salianjin, pas përplasjes mes tyre në distancë që nisi me zhvillimin e një turi paralel takimesh me bazën e partisë.
“Edhe njëherë, gjithçka kam patur unë për këtë çështje e kam shprehur si kryetar i PD-së dhe atë e garantoj që nuk e lëviz dot. Qëndrimi absolut i kësaj force politike, vija absolute e kuqe janë bandat e krimit. Shiko statutin!
Jo, nuk kam thënë që s’ka vetëpërjashtime!”, iu përgjigj Berisha pyetjeve mbi Salianjin.
Ndërsa lidhur me organizimin e protestave nga opozita, ai u shpreh: “Protestat absolutisht, revoltë, jo protesta. Ato do t’i mësoni që të gjitha se janë sekrete të organizatorëve!”
Sjellim ndërmend se më herët ditën e sotme, gjatë një konference për mediat, Berisha u shpreh se takimin në Elbasan, ish-deputeti Salianji e kishte organizuar në bashkëpunim me bandat kriminale të qytetit. Gjë që Berisha e cilësoi si vijën e kuqe të kësaj partie.
Ti je nji ZERO para Z SALJANIT,ti je komuniste i pa ndreqeshem,je hakmartes ke mesuar idete kriminale te komandantit tene dull by… qi…t.Z Salinaj do te bejne te quajturen pd,me btyhe lepirsit tuaj,te ngelin pa antare.Ju nuk ju duan me ase perkrahesit tuaj,i keni mashtruar,per heren katert jeni humbes.