“Në 30 gusht motra ime Anna Martello ishte në spital ku u vizitua nga një doktoreshë. Atë e njihnin pasi kurohej për probleme psikologjike, por askush nuk na lajmëroi.
Më pas iku dhe disa orë më vonë u gjet e vdekur në Pescara, e në një tunel, e mbuluar me një batanije. Nëse do e kishin mbajtur siç duhej ose do na kishin lajmëruar, në vend që ta nxirrnin, ndoshta sot ajo do të ishte ende gjallë. Atë ditë u largua nga spitali dhe u gjet në tunelin e mbushur me mbeturina, mbetje prostitucioni etj”.
Një thirrje e dëshpëruar ajo e Isabella Martello, motra e 33-vjeçares Anna, e cila u gjet e pajetë në një tunel në Pescara, natën mes 30 dhe 31 gushtit të vitit 2017.
Pas një viti hetimesh u zbulua se gruaja, e cila fillimisht u tha se vdiq për shkaqe natyrale, ishte përdhunuar dhe vrarë, nga një koktejl ilaçesh dhe alkooli shkruan noa.al.
Ndërkohë Isabella akuzon mjekët e spitalit të Pescara, ku thotë se ajo kontrollohej shpesh tek ata për shkak të problemeve psikologjike, por se familja nuk u lajmërua asnjëherë mbi çfarë ndodhte.
Fillimisht u tha se gruaja ishte vetëvrarë, por hetimet zbuluan të kundërtën. Motra e së ndjerës kërkon që drejtësia të bëjë punën dhe të gjejë përgjegjësit e krimit./a.m.
