Policia mësyu në një dasmë dhe pak para vendosjes së unazës së çiftit arrestoi dhëndrin, një shqiptar 34 vjeçar.
Ngjarja e pazakontë është regjistruar në bashkinë Ringe të Danimarkës, ku 34 vjeçari po vinte kurorën e martës me një 18 vjeçare dhe disa minuta përpara se të shkëmbenin unazat, policia ka prangosur burrin.
“Nuk kishin mbetur as dy minuta për t’u martuar, kur ceremonia u ndërpre”, tha dhëndri në seancën paraprake në Gjykatën e Svendborg të premten në mëngjes.
Mediat vendase raportojnë se komuna Faaborg-Midtfyn kishte zbuluar se dhëndri me origjinë shqiptare ishte pranuar në mënyrë të ligjshme në Danimarkë, por më vonë u zbulua se më 30 gusht të vitit 2012, autoritetet greke e kanë regjistruar 34 vjeçarin në “listën e zezë” të Shengenit për pesë vite, i vlefshëm deri në gusht të vitit 2018.
Por, kjo masë iu shty deri në shkurt të vitit 2022, kur gjykata daneze vendosi për dëbimin e menjëhershëm të tij nga Danimarka dhe të gjitha vendet e zonës Shengen, raporton “Ora”.
Shqiptari kishte pasur probleme me leje qëndrimin edhe në Gjermani ku autoritetet vendase i kishin kërkuar largimin e tij.
Shqiptari ndodhet në qendrën e emigracionit në Nordsjælland dhe brenda 4 javëve do të dëbohet sipas vendimit të gjykatës. Nusja e tij, një rumune, është kthyer në Frankfurt. /b.d
