Një fëmijë mund të kishte humbur jetën nga sulmi i krokodilit, nëse babai i tij nuk do kishte kafshuar zvarranikun.
Pasi kafshoi krokodilin, menjëherë zvarraniku hoqi dorë nga sulmi ndaj djalit të vogël.
Diego Abulhasan, 12 vjeç, ishte duke notuar me vëllain e tij më të vogël në një lumë pranë shtëpisë së familjes në qytetin Balabac, në rajonin e Palaëan të Filipineve, kur një krokodil e sulmoi dhe e tërhoqi në ujë.
Babai i tyre, Tejada Abulhasan vrapoi për më shumë se 100 metra për të shpëtuar djalin e vet.
Fillimisht ai e goditi krokodilin me një dërrasë por rezultoi e dështuar si përpjekje.
Më pas burri e kafshoi atë disa herë deri sa e lëshoi djalin nga dhëmbët e mprehtë.
“Ka pasur aq shumë adrenalinë në trupin tim saqë nuk kisha kohë për të menduar. Isha duke goditur krokodilin dhe nga hiçi më erdhi ideja për ta kafshuar atë. I kafshova këmbën si një qen”, tha babai.
Diego kaloi dy net në spital para se të dilte nga ty. Ai ka disa plagë, por jo lëndime serioze.
/a.r
