Policia Italiane në Varese ka arrestuar një trafikant shqiptar dhe i ka sekuestruar një sasi rekord prej 15 kilogramësh heroinë të cilat në treg vlejnë afro gjysëm milioni euro.
Por metoda e zgjedhur për të ruajtur sasinë e madhe të drogës, nuk ishte dëgjuar ndonjëherë më parë. Shqiptari e ruante drogën në dy vende të ndryshme, konkretisht në dy vila, njëra në Monza ndërsa tjetra në Brianza.
Një goditje fati mund të cilësohet arrestimi i tij, pasi policia e ka ndaluar 43 vjeçarin shqiptar për një kontroll rutinë teksa ai ishte duke bërë xhiro me makinën e tij luksoze.
Me vete, policia i ka gjetur shqiptar disa doza heroinë dhe me ta dërguar në kazermë, ka vendosur që të kryejë kontrolle në pronën e tij. Në vilat e shqiptarit është gjetur droga, por përpara se policia të hynte në shtëpitë në fjalë, është përballur me dy “bashkëpunëtorët” e shqiptarit, rojet e heroinës.
Por “bodygardët” nuk kanë qenë njerëz, por dy qenë pitbull, të cilët shqiptari i kishte lënë në vilat e tij për të ruajtur drogën.
a.ç
