E pabesueshme në Brazil! Chapecoense është dënuar me 30 mijë euro gjobë dhe me heqjen e dy pikëve në renditje për mosparaqitje në ndeshjen e fundit të kampionatit. Të njëjtat masa janë marrë edhe për Atletico Mineiro, kundërshtari i ndeshjes së fundit. Të dy klubet kishin rënë dakord për të mos e zhvilluar ndeshjen e fundit, pas tragjedisë ajrore në Kolumbi, në të cilën gjetën vdekjen 19 lojtarë të Chapecoenses.
Dënimi është marrë mbi bazën e Kodit të Drejtësisë Sportive braziliane dhe ka shkaktuar menjëherë mijëra protesta në rrjetet sociale.
Penalizimi nuk ka asnjë ndikim mbi renditjen, pasi Atletico Mineiro ishte kualifikuar për fazën e parë të Copa Libertadores, po ashtu edhe Chapecoense, si fituese e Coppa Sudamericana. Skuadra braziliane e mori kupën pa luajtur, me propozim të klubit kundërshtar në finale, Atletico Nacional i Medellinit.
tuttosport/d.i.
