Një ngjarje e rëndë ka ndodhur mes mesnatës së të shtunës duke u gdhirë e diela në kryeqytet, ndërsa një vajzë e mitur e moshës 14-vjeçare deklaron se është përdhunuar nga miqtë e të dashurit të saj me të cilët kishte dalë për të pirë një gotë.
Gjithçka është zbuluar pasi e mitura dhe tre meshkujt e tjerë janë ndaluar nga policia rreth mesnatës ndërsa po udhëtonin në një automjet që të tre. Ata janë shoqëruar në komisariat për verifikime dhe për shkak të moshës së vajzës me inicialet A.B., janë thërritur edhe familjarët e saj.
Vajza ka treguar në polici se ka dalë nga shtëpia gjatë orëve të natës pa lejen e prindërve dhe se fillimisht ka ikur në një lokal me të dashurin e saj, një prej djemve me të cilët u kap në makinë, e më pas kanë kryer marrëdhënie seksuale me dëshirën e saj.
Ajo shton më tej se dy shokët e të dashurit e kanë përdhunuar, por këtë gjë nuk e kanë pranuar dy djemtë e tjerë, përkatësisht 19 dhe 17-vjeç, të cilët janë shoqëruar në komisariat. Të pyetur nga policia ata kanë thënë se kanë pasur marrëdhënie me 14- vjeçaren me dëshirën e saj.
E mitura A.B., 14 vjeçe, me banim në Vorë ka akuzuar tre të rinjtë se kanë kryer marrëdhënie seksuale me të kundër dëshirës së saj dhe më pas është shprehur se vetëm dy prej tyre kanë abuzuar, duke qenë se njërin e kishte të dashur dhe gjithçka e ka bërë me dëshirë.
Tre të rinjtë të pyetur nga policia kanë thënë se kanë pasur marrëdhënie me 14- vjeçaren me dëshirën e saj.
Nga ekspertiza mjeko- ligjore u konstatua konsumimi i aktit seksual, duke bërë që tre të rinjtë të vihen në pranga për shkak të moshës së mitur të vajzës.
Aktualisht vijojnë ende hetimet për zbardhjen e rrethanave të ngjarjes, për shkak të dëshmive kontradiktore të 14- vjeçares dhe tre “shokëve” të saj, por edhe prej deklarimeve pohuese se e mitura kishte dalë fshehurazi nga shtëpia./JOQ/a.m.
