Ish-ministri i PD-së, Besnik Mustafaj, i cili bën pjesë në lëvizjen e re brenda PD-së, të iniciuar nga Astrit Patozi ka dalë kundër të këtij të fundit sa i përket qëndrimit të Berishës.
Në takimin në Durrës, ditën e djeshme, Patozi i bëri thirrje Berishës që të mbajë qëndrim, pasi heshtja sipas tij, është pajtim me Bashën.
Mirëpo, Mustafaj, duke folur për “News24”, tha se ai është i mendimit që Berisha të qëndrojë neutral.
“Unë mendoj se Berisha do të qëndrojë neutral. Ai nuk duhet të ndërhyjë dhe nuk duhet të ketë një qëndrim. Unë e di që ai është i shqetësuar, por më mirë të qëndrojë neutral”, tha Mustafaj. /b.d
