Ka folur ditën e sotme për autoritetet policore 53-vjeçari që vrau Xhani Topallin në Greqi. Ai ka treguar për autoritetet dëshminë e tij, se si i mori jetën, biznesmenit shqiptar në ishullin e Rodos.
Në fjalën e tij ndër të tjera 53-vjeçari ka thënë se gjithçka që bëri, e bëri për të shpëtuar të birin, pasi sipas tij biznesmeni shqiptar kishte shkuar i dehur në takim dhe kishte qëlluar me grushte djalin e tij.
“Unë dola para për të mbrojtur djalin nga goditjet e kontraktorit dhe më pas aty nisi sherri”, ka treguar ai.
53-vjeçari, pronar hoteli është shprehur gjithashtu se e shtrëngoi në fyt me litar shqiptarin, por nuk e kishte kuptuar që po e mbyste. Ndër të tjera ai tha se i kishte 75 mijë euro borxh Topallit.
Sipas tij, gjatë përleshjes ai ka kapur një litar dhe e ka shtrënguar në fyt 46-vjeçarin , duke e hedhur përtokë dhe duke tentuar ta imobilizojë, pa e kuptuar siç thotë ai se e kishte mbytur.
Kur kuptoi se shqiptari kishte vdekur, 53-vjeçari e zhveshi me ndihmën e djalit të tij 20-vjeçar dhe e çuan trupin në një rrugë të shkretë midis Psinthos dhe Afandou. Autori i vetë-rrëfyer ishte vënë në shënjestër të policisë që në fillim, pasi kishte pasur një takim me viktimën mbrëmjen që Xhani Topalli u zhduk.
Sipas informacioneve, 53-vjeçari është takuar me biznesmenin shqiptar në vitin 2014, kur ata kishin një partneritet.
Në vitin 2019, 46-vjeçari ka marrë përsipër rinovimin e hotelit të autorit, i cili rezulton se i kishte rreth 75 mijë euro borxhe.
Mbrëmjen e së dielës, (28 gusht) viktima ka shkuar në hotelin e 53-vjeçarit, dhe sipas autorit ka qenë i dehur dhe është konfliktuar me të.
Autori pretendon se 46-vjeçari po i bënte presion për t’i marrë parët dhe se i kishte shkuar shumë herë në hotel nën efektin e alkoolit, duke i shkaktuar shqetësime.
/e.d
