Një shqiptar 34vjeçar është arrestuar nga policia italiane pasi akuzohet për shkatërrim prone.
Sipas policisë, shqiptari ka dëmtuar tre automjete me thikë dhe sende të forta, pasi e kishte lënë e dashura. Këtë sqarim ka dhënë vet i ndaluari në Polici, në lidhje me dëmet që ka shkaktuar.
Shqiptari ka thënë se ai ishte zënë me të dashurën dhe kjo e fundit i kishte dhënë fund lidhjes me të. Ai më pas kishte tentuar ta telefononte, por ajo nuk i përgjigjej. Ndaj ai tha se shkoi te banesa ku ajo jetonte dhe dëmtoi dy automjetet e prindërve të saj dhe një automjet të tretë.
