Një total prej 1 271 foshnjash të prekura me mikrocefali dhe 57 foshnja të dyshuara të vdekura për shkak të keqformimit, janë konfirmuar në Brazil prej fillimit të epidemisë së virusit Zika në tetorin e vitit 2015, bëri të ditur Ministria braziliane e Shëndetësisë.
Sipas njoftimit të fundit zyrtar me 30 prill, autoritetet kishin regjistruar në total 3 580 raste të dyshuara prej fillimit të të dhënave në periudhën e vjeshtës dhe kishin përjashtuar 2 492 raste të tjera.
Përveç 57 rasteve të konfirmuara të bebeve të vdekura me mikrocefali, një zhvillim i pamjaftueshëm i kafkës dhe i trurit të fetusit, ministria numëron ende 178 raste të bebeve të vdekura për të cilat dyshohet se mikrocefalia është shkaku i vdekjes.
Ministria konsideron se pjesa më e madhe e nënave që kanë sjellë në jetë bebe të prekura me mikrocefali ishin të prekura nga Zika, megjithëse nuk është konfirmuar ende mundësia që ato ishin të prekur më parë nga kjo sëmundje. (javanews.al / a.r)
