Xherdan Shaqiri po jeton një nga sezonet më të jashtëzakonshme të karrierës së tij në Premier League në radhët e Liverpool, por pavarësisht kësaj, ylli i kombëtares zviceriane ka zbuluar se dëshiron të kthehet te klubi i tij i fëmijërisë, Basel, kur të jetë në fund të karrierës.
“Jam duke lënë këtë gjë plotësisht të hapur për momentin. Por, natyrisht, do të ishte shumë mirë të kthehem te Baseli. Kjo do të ishte diçka me të vërtetë shumë e veçantë për mua. Por, unë nuk e përjashtoj mundësinë që të shkoj në Amerikë ose në Kinë. Mua më pëlqen shumë të shkoj në vende të reja dhe të përjetoj kultura të reja. Por, patjetër, ëndrra ime do të ishte të kthehem te Basel përsëri”, deklaroi futbollisti me origjinë shqiptare për kanalin gjerman “Sport1”.
Basel është skuadra ku Shaqiri u bë i njohur në kontinentin e vjetër. Me zvicerianët, 27 vjeçari është aktivizuar me skuadra si Bayern Munich, Inter dhe Stoke City, përpara se të kalonte në radhët e Liverpool të drejtuar nga Jurgen Kloop.
E.Xh./
