Motra e 26-vjeçarit Martin Çeço, i cili u mbyt me litar dhe u hodh në rezervuarin e Maliqit, ka zbardhur detaje nga ngjarja tronditëse, duke thënë se “vëllanë e kërcënonin shumë”.
Lorena Kodra, motra e të ndjerit ka thënë se 26-vjeçari nuk kishte konflikte me askënd, ishte njeri i urtë dhe punëtor.
“Vëllai ka humbur që të dielën, më nuk kam folur pastaj. Vëllai nuk ka pasur konflikte me njëri, ishte i urtë dhe punëtor, bënte dru në fshat dhe i shiste ishte punëtor.
Dje u vumë në dijeni në lidhje me ngjarjen, se dimë përse është vrarë, vëllain e kërcënonin shumë, ne nuk e kemi denoncuar kërcënimet për vëllain nuk e dinim që do shkonin gjërat deri këtu.
Unë kaq di se jetoj në Greqi, vëllai jetonte ke babain. Vëllai kish dalë vetë në 11 të natës. Nuk di më shumë. Ka pasur një lidhje, kaq di nuk e di nga është, vëllai më ka folur që kam një lidhje, vëllai e donte po ajo nuk i thoshte që të dua. 1 muaj kishte që ishte lidhur, kaq më shumë nuk di”, ka thënë motra e të ndjerit.
Xhaxhai i tij tha se nuk i njohin autorët, ndërsa pohon se ato janë nga Peshkopia.
‘Ne mbas 4 ditësh e morëm vesh. Na thanë se është mbytur nipi nuk dimë asgjë. Mbas 4 ditësh e gjeti policia. Vetëm e motra dhe i ati. E gjetëm tha dhe e dërguam atje. Sot e morëm vesh se është ekzekutuar. Nuk janë nga fshati, janë nga Peshkopia. Djalë më i urtë nuk kishte.’- u shpreh xhaxhai i tij Ireakli Sokrati.
Po ashtu edhe fqinjët flasin fjalë të mira për djalin.
‘Djali shumë, shumë i mirë. Po bëjmë vite këtu dhe familja shumë e mirë. I ati është në gjendje shumë të rëndë edhe djali donte të mbyste veten mbrëmë. E kemi dërguar në spital të atin. Ka dhe një motër tjetër. Ky djalë nuk prekte një mizë.
Jemi komshinj. Djali nuk ngatërronte njeri. Na ka ardhur shumë keq për të. Këtu jemi po nuk e di. Ai nuk jepte përgjigje me një vajzë këtu në fshat. Nuk e dimë nga ishte kjo vajza. Thonë se ishte nga Goskova. Autorët nuk i njihnim.’- u shprehën fqinjët./m.j
