Deputetja demokrate Dhurata Çupi u sulmua ditën e sotme nga “Foltorja” e cila ka nisur të shënjestrojë çdokënd që nuk mendon si Sali Berisha dhe familja e tij.
Ligjvënësja i është kundërpërgjigjur deputetit Oerd Bylykbashi duke i kujtuar reformën e fundit zgjedhore ku ai dha miratimin e tij dhe sot është kritik me vetë punën e tij duke thënë se PD ka marrë kosto.
Çupi ka zgjedhur një gjuhë të kujdesshme ku tregon se grupi i Berishës ka rrefuzuar çdo bashkëpunim për të progresuar reformën territoriale.
“Keqardhje për kolegët që keqpërdorin pozitat e tyre për të sulmuar pjesën tjeter. Kur të na thonë si i shitën interesat e PD tek PS për reformën e fundit zgjedhore, mund të nisin dhe të bëjnë moral.
Të paraqesësh punën e dikujt tjetër si gjetje, për të shtuar pak bashki, pa ndonjë përfitim të rëndësishëm për qytetarët, nuk është ide. Është një përpjekje për pazar me PS për t’u dukur prapë si i rëndësishëm.
As demokratët, as shqiptarët e tjerë nuk kanë nevojë për këtë teatër të shëmtuar. Në komision përfaqësoj me integritet PD-në dhe këtë nuk mundet ta mohojë dot askush. I kam ftuar kolegët te bashkëpunojmë, por kanë refuzuar.
E sa për pazar, jo vetëm që nuk ka, por nuk do të lejojmë as të ketë asnjëherë. Këtë ta dijnë mirë ata që në vend që të bashkojnë forcat për të ndryshuar ndarjen territoriale se është një nevojë për shqiptarët, e kanë mendjen tek pazaret”, shkruan deputetja Çupi në reagimin e saj pasi u sulmua nga deputetët e Berishës dhe mediat pranë tij./m.j
