Një lajm i çuditshëm që ka ndodhur javën që shkoi në Kosovë ka bërë xhiron e botës duke përfunduar edhe në emisionin e njohur “The Late Late Show with James Corden”. Corden i ka kushtuar një segment të tërë këtij lajmi jo fort të zakonshëm, duke ngritur dyshime lidhur me shkakun që mund të ketë pasur i riu, 33 vjeç, për të gëlltirur telefonin Nokia
“Kalojmë në Kosovë ku kirurgët kanë arritur të largojnë nga trupi i një njeriu telefonin Nokia. Është e vërtetë, shikoni pamjet X-ray. Mendoj që është shtyrë nga një shok, e i ka thënë unë do ta gëlltis, ti më merr që ta shohim nëse dridhet akoma,”- thotë Corden në emisionin e tij.
Telefoni iu hoq nga stomaku pa operacion, pasi ‘Nokia’ i ishte ndarë në tre pjesë. Doktori që realizoi ndërhyrjen kirurgjikale, Skënder Telaku, tha për se rreziku kryesor ishte bateria, e cila mund të shpërthente./m.j
