Sonda “Dawn” e NASA-s ka bërë një zbulim të jashtëzakonshëm gjatë monitorimit që po i bën sipërfaqes së planetit xhuxh Ceres.
Në bazë të fotografive të publikuara nga laboratori JET i NASA-s dhe qe janë shkrepur mbi sipërfaqen e Ceres, zbulohen detaje mjaft interesante si kratere, vargjet malore, spote të çuditshme të ndritshme dhe së fundmi edhe një piramidë.
Pamjet tregojnë një të ngritur mbi sipërfaqen e Ceres, dhe që përmes qartësimit të imazheve nga NASA ngjason së tepërmi me piramidat e Egjiptit.
Lartësia e piramidës mbi planetin xhuxh mësohet se arrin në 5 kilometra në një sipërfaqe të sheshtë, por forma është padyshim një nga monolite egjiptianëve.
Zëvendës studiuesi i misionit Daën, për Ceres, Carol Raymond tha: “Sipërfaqja e Ceres tregon forma unike dhe shumë interesante. Për shembull ai ka më shumë kratere periferike me vrima qendrore, por në Ceres këto struktura janë shumë më të zakonshme. Këto dhe të tjera karakteristika na lejojnë për të kuptuar strukturën e planetit më intim. “
Ky planet me një diametër rreth 950 km u zbulua në vitin 1801, dhe cilësohet një planet xhuxh pasi nuk është një planet i mirëfilltë, por pjesë e rripit të asteroidëve pranë sistemit të brendshëm diellor.
Ai shtrihet më pak se tri herë sa largësia e Tokës nga Dielli, në afërsi të mjaftueshme për të ndjejrë ngrohtësinë e yllit, duke lejuar që akulli të shkrihet.
Sonda “Dawn” e NASA-s e bëri rrugën e saj për Ceres pas largimit nga asteroidi Vesta në vitin 2012.
