Arrestohet këngëtari Arkimet Lushaj, i njohur ndryshe si Stresi. Këngëtari “rebel” është kapur përpara qendrës së votimit, tek shkolla ‘Partizani’, ku mesa duket kishe shkuar të shprehte vullnetin e tij me votë.
Arkimed Lushaj, është arratisur para disa kohësh nga ambientet e komisariatit numër 3 në Tiranë, ku ishte shoqëruar pasi drejtonte makinën pa patentë.
“Stresi” është hedhur nga kati i dytë i komisariatit duke u larguar më pas, në drejtim të paditur. Ai ishte mbyllur pa pranga në një nga zyrat e oficerëve të policisë gjyqësore, ku pritej që të merrej në pyetje, por duke shfrytëzuar hutimin e policëve, ai është hedhur nga dritarja dhe është larguar më pas me vrap.
Stresi ka qenë shoqëruar në ambientet e komisariatit numër 3 për shkelje të rregullave të qarkullimit rrugor që të premten në mbrëmje, derisa u arratis në mëngjesin e një dite më parë.
