Një aksident ka ndodhur sot në aksin nacional Korçë-Kapshticë ku kanë mbetur të plagosura tre shoqe. “BalkanWeb” raportoi se aksidenti ka ndodhur rreth orës 13:50 në Bitinckë. Sipas policisë, një mjet ka humbur kontrollin duke dalë nga rruga dhe për pasojë janë plagosur drejtuesja e mjetit dhe dy vajzat që ishin pasagjere.
Të plagosurat janë transportuar në spitalin e Korçës dhe ende nuk ka informacion për gjendjen e tyre shëndetësore.
Policia ka kryer veprimet hetimore në vendngjarje dhe po punon për zbardhjen e rrethanave të aksidentit. Paraprakisht dyshohet se shkak për aksidentin është bërë shpejtësia tej normave të lejuara.
