Një aksident i rëndë është regjistruar pasditen e së hënës në aksin rrugor Elbasan-Peqin, ku janë përfshirë 3 makina.
Sipas dëshmive për A2 CNN, në aksident janë përfshirë dy fuoristrada Benz dhe Audi dhe një trajler, i cili pas përplasjes ka përfunduar poshtë një ure të vogël.
Si pasojë e këtij aksidenti, vetëm një prej drejtuesve ka marrë plagë dhe u dërgua te Trauma, teksa qarkullimi i mjeteve është ndërprerë për disa minuta.
Është dashur ndërhyrja e zjarrfikësve për të nxjerrë nga makina një prej drejtuesve të mjeteve, i cili kishte mbetur i bllokuar brenda.
Shkaqet e aksidentit janë ende të paqarta, teksa policia vijon hetimet.
