Një aksidenti në të cilin janë përfshirë tre makina ka ndodhur pasditen e sotme rreth orë 18:33 në aksin rrugorë Lezhë – Shkodër, ku një person ka humbur jetën dhe 6 të tjerë janë plagosur.
Një prej të plagosurve është dërguar drejt Spitalit të Traumës në Tiranë për shkak të gjendjes kritike në të cilën ai ndodhej. Viktima është një shtetas kosovar, 39- vjeçar, me iniciale B.N emigrant në Gjermani, i cili ishte duke u kthyer për pushime pranë familjes.
Aksidenti mësohet të ketë ndodhur pranë fshatit Bilisht, në kryqëzimin e Blinishtit, ndërkohë edhe qarkullimi në këtë aks rrugor është bllokuar. Policia ka shkuar në vendngjarje dhe është duke punuar për zbardhjen e shkaqeve të aksidentit dhe për të mundësuar rifillimin e lëvizjen normale të automjeteve në këtë aks rrugorë.
Ndërkohë një tjetër aksident i rëndë ka ndodhur pasditen e kësaj të diele në autostradën Levan- Tepelenë, në afërsi të fshatit Cakran, ku një 88- vjeçare ka humbur jetën.
Mësohet se makina tip “Skoda” me targa “ZKY 1790”, e drejtuar nga 54- vjeçari, Thanas Shollo, ka dalë nga rruga. Në automjet ndodhej gjithashtu edhe nëna e 54- vjeçarit, Athina Shollo, 88 vjeç, e cila fatkeqësisht nuk ka arritur ti mbijetonte aksidentit.
Gjithashtu ka mbetur i plagosur djali 8- vjeçar i drejtuesit të mjetit, i cili është dërguar me ambulancë drejt Spitalit Rajonal të Fierit. Edhe në Gjirokastër është regjistruar një aksident automobilistik me pasojë vdekjen e një 87- vjeçari. Mësohet se aksidenti ja ndodhur në aksin rrugor, Gjirokastër- Kakavijë, ku në anë të një kanali është gjetur i pajetë 87- vjeçari Andon Qurku, nga Saranda.
Policia bën me dije se shoferi i cila e ka aksidentuar 87- vjeçarin është larguar nga vendi i ngjarjes, ndërkohë që trupi i viktimës pasi është identifikuar është dërguar drejt murgut të Gjirokastrës, për ta marrë familjarë e tij. Ndërkohë shërbimet e policisë janë duke punuar për identifikimin e autorit të kësaj ngjarjeje dhe arrestimin e tij.
ma.me
