Një 31-vjeçar është vënë në prangat e policisë pasi iu gjet një armë zjarri kallashnikov në gomisterinë e tij në zonën e Fushë-Mëzezit.
Uniformat blu vunë në pranga të riun me iniciale zonën e Fushë-Mëzezit, banues në Kamzë pasi morën informacion nga qytetarët se mbante sende të kundërligjshme në gomisterinë e tij.
“Shërbimet e policisë së komisariatit Nr. 5 realizuan operacionin policor të koduar “Shinat”, në zonën e Fushë-Mëzezit dhe gjatë kontrollit të gomisterisë së shtetasit E. K., gjetën një armë zjarri kallashnikov, e cila u sekuestrua në cilësinë e provës materiale“, raporton policia.
31-vjeçari u arrestua për veprën penale “Mbajtja pa leje e armëve luftarake dhe e municionit” dhe materialet u referuan për veprime të mëtejshme pranë Prokurorisë së Rrethit Gjyqësor Tiranë.
g.kosovari
