Bruna Biancardi është zyrtarisht e preferuara e Neymar dhe gruaja që do ta bëjë futbollistin baba për herë të dytë.
Asi i Paris Saint-Germain dhe influencuesja braziliane janë bashkë, por jetojnë të ndarë. Pak ditë më parë ajo ishte duke pushuar në Mykonos me miqtë e saj dhe ai ishte në Miami për pushime dhe për të parë Miami Heat.
Ata nuk janë një çift normal dhe mediat në Brazil shkruajnë se Neymar nuk është besnik ndaj saj dhe ajo ia lejon. Futbollisti e tradhtoi Brunën në Rio disa muaj më parë në ditën e të dashuruarve dhe pas kësaj 29-vjeçari vendosi rregulla për tradhtinë.
Sipas informacioneve të konfirmuara nga kolumnisti Erlan Bastos, lojtari i PSG-së është i lirë të flirtojë dhe madje të bëjë seks me femra të tjera. Influencuesja ka vendosur tre rregulla për rastet kur Neymar e tradhton.
Cilat janë tre rregullat? “Ai duhet të jetë diskret, të përdorë prezervativë dhe të mos i puthë në buzë”, shkruajnë mediat në Brazil. Diskret do të thotë që në rrjetet sociale të mos publikohen foto me vajza të tjera./m.j
