SHBA dhe aleati i saj Izraeli po përballen me “ditë të errëta” pas vrasjes së komandantit iranian Qassem Soleimani.
Pas reagimeve të forta nga Irani për vdekjen e njeriut të dytë më të fuqishëm atje, një tjetër kërcënim vjen nga e bija, e cila i drejtohet hapur presidentit të SHBA Donald Trump.
“I çmendur, mos mendo se ka mbaruar çdo gjë me martirizimin e tim eti”.
Këtë paralajmërim ajo e bëri gjatë një deklarate të transmetuar live ne televizionin shtetërorë gjatë ceremonisë mortore të mbajtur në Teheran.
SHBA mori përsipër vrasjen e iranianit duke shprehur gëzim për eliminim e atij që Trump e quajti “ udhëheqësin e terroristëve”.
\
Sekretari i Shtetit Mike Pompeo pretendoi se sulmi vrastar me dron ndaj Soleimanin pranë një aeroporti në Bagdad, parandaloi një rrezik të madh për jetën e qindra amerikanëve.
Teherani e quajti vrasjen “një akt terrorizmi” dhe premtoi hakmarrje sapo komandanti i tyre të përcillej në banesën e fundit. Në ceremoninë mortore të organizuar në nder të tij, ku pjesëmarrja e njerëzve ishte tejet e madhe, u panë disa persona teksa shkelnin e djegur flamuj amerikanë dhe izraelitë.
Ndërkohë, Trump një ditë më parë ia bëri të qartë Teheranit se nëse do të sulmonin apo do të vinin në rrezik jetën e amerikanëve, 52 site shumë të rëndësishme të Iranit janë vënë nën shënjestër gati për t’u sulmuar. /e.s/
