Giani De Biasi është nderuar me titullin “Urdhri i Yllit të Italisë” dhe nga sot mund të thirret “Cavalier” De Biasi… por ndryshe është historia kur flitet për futboll. Trajneri i kombëtares Shqiptare është shprehur se në ndeshjen më 24 mars, shpreson që Italia të gabojë, dhe jo vetëm.
“Unë uroj shumë që Italia të bëjë mirë në këto eliminatore si italian që jam, megjithatë shpresoj më shumë që të gabojë vetëm në dy ndeshjet që do të ketë me ne, në muajin mars dhe më pas në ndeshjen e kthimit. A do t’i këndoj të dyja himnet? Italianin e kam më të thjeshtë, pasi i di fjalët. Ndërsa për atë shqiptar kam nevojë për pak karaoke” tha De Biazi.
Më tej ai shtoi se lojtarët e kombëtares kanë një motivim plus për këtë përballje, duke theksuar gjithashtu do të ishte i kënaqur që ekipi të bënte një ndeshje të mirë.
“Fubollistët shqiptarë që luajnë në Itali kanë një motivim më shumë për këtë sfidë. Do të kemi përballë një skuadër të jashtëzakonshme, që kërkon të kualifikohet në Botëror. Ne do të kemi vetëm katër ditë për ta përgatitur këtë ndeshje; është një kohë e shkurtër, por do të bëjmë maksimumin. A do të isha i kënaqur me një barazim? Unë do të isha i kënaqur nëse luajmë mirë, bëjmë një paraqitje pozitive dhe mbi të gjitha dinjitoze, pastaj rezultatin le t’ia lëmë fushës së lojës” përfundoi De Biazi.
