Këtë të dielë, një ditë larg ndërrimit të viteve, dy peshkatarë u mbytën në rezervuarin e fshatit Bradomirë në Pogradec.
Të vdekur mbetën Arben Pupa dhe Ramazan Kojtari, teksa trupi i këtij të fundit ende nuk është gjetur.
Dyshimet për mbytjen e dy peshkatarëve mbeten tek mbingarkesa e varkës së tyre, e cila mund të ketë sjellë dhe përmbytjen e vdekjen e tyre në ujin e rezervuarit.
Ndërkohë në lidhje me gjetjen e trupit të Kojtarit, një ekip nga polumbarët e Tiranës ka ardhur në vendngjarje dhe ka nisur studimin e rezervuarit. Është vendosur që ditën e nesërme që në orët e para të ndërhyhet për gjetjen e trupit të peshkatarit të mbytur.
Trupi i peshkatarit tjeter, u nxorr nga familjaret dhe banoret e zones me heret.
NJOFTIMI I POLICISE:
Më datë 30.12.2018, jemi njoftuar se në rezervuarin e fshatit Bradomirë, duke peshkuar, dyshohet të jetë mbytur dhe për pasojë ka gjetur vdekjen shtetasi A.P, 50 vjeç, banues ne fshatin Bletas.
Trupi i tij, është gjetur dhe është nxjerrë nga uji prej banorëve të fshatit dhe shërbimeve të Policisë në vendngjarje.
Dyshohet se viktima, ka dalë për të peshkuar së bashku me shtetasin Z.K, 56 vjeç, banues në fshatin Bradomirë, për të cilin po vijojnë kërkimet si dhe pritet ardhja e polumbarëve, për të bërë të mundur gjetjen e tij.
Grupi hetimor po punon për sqarimin e plotë të rrethanave të ngjarjes.
/a.rada
