Këtë të diel ka nisur dhe fluksi i ardhjes së emigrantëve që do kalojnë festat e fund vitit në vendlindje pranë familjarëve të tyre.
Me tragetin e linjës Brindisi Vlorë mëngjesin e sotëm kanë mbërritur rreth 1100 pasagjerë dhe 176 automjete. Ndërkohë që në këtë ditë të parë të fluksit të ardhjes së emigrantëve për të kaluar festat në Shqipëri, në pikën kufitare të Brindësit ka dhe shumë emigrante të tjerë të cilët pritet të imbarkohen dhe të vijnë në Vlorë. Për këtë trageti i cili sapo ka mbërritur ka bërë zbarkimin e njerëzve dhe të makinave dhe është rinisur sërish në drejtim të portit të Brindist për të imbarkuar rreth 1000 pasagjerë të tjerë dhe për të ardhur sërish sot në mbrëmje.
Një fluks i tillë pritet të zgjasë deri në datën 31 dhjetor.
Agron Brataj, pjesë e një agjencie udhëtimesh, shprehet se prenotimet do të vijojnë deri në fund viti.
Ardhja e emigranteve gjithashtu ka rritur dhe numrin e pronotimeve në hotele e restorante të Vlorës
