Dybala: Do të kisha dashur të luaja me Del Pieron
Talenti i bardhezinjve në një intervistë për emisionin “Filo Diretto” në televizionin “Jtv” u premtoi tifozëve bardhezi se do të përmirëohet në në çdo aspekt dhe se është tek Juvja për të mësuar.
I pyetur se me me cilin lojtar të së kaluarës së Juventusit do të kishte pasur dëshirë të luante, Dybala u përgjigj se: “Ka shumë lojtarë që kanë veshur fanellën e Juves, por ndër mend më vijnë Del Piero, Trezeguet dhe Nedved. Do të më kishte pëlqyer të luaja përkrah tyre me fanellën e Juventusit”.
Lidhur me përshtypjet e tij të para për “Juventus Stadium”, argjentinasi tha se : “Ndjeva një emocion të fortë ditën që dhashë konferencën e parë për shtyp gjatë prezantimit tim. E njihja stadiumin, por atëherë isha një lojtar i Palermos. Kur erdha me fanellën e JUventusit, ishte një emocion shumë i madh për mua.”
Ndërsa lidhur me ndryshimet që pret të hasë midis një ndeshjeje të Serisë A dhe një ndeshjeje të Champions League, sulmuesi i ri tha se: Javën e ardhshme do të jetë hera e parë që do të luaj në një ndeshje të Champions League dhe mendoj se aty gjërat janë komplet ndryshe. Pasi luan ndaj ekipeve që praktikojnë një futboll ndryshe, me ritme të tjera. Mendoj se do të jetë diçka interesante dhe emocionuese.”
