Një grua e zhdukur është gjetur duke notuar e gjallë në det, dy vjet pasi ajo humbi kontaktet me familjen, në Kolumbi.
Angelica Gaitan u gjet në një gjendje të dobësuar me hipotermi.
46-vjeçarja humbi kontaktet me familjen e saj rreth dy vjet më parë. Se çfarë kishte bërë ajo në dy vite dhe si përfundoi në det, aktualisht kjo po hetohet nga policia.
Ajo u gjet duke notuar rreth një milje larg një plazhi i qytetit të Puerto Colombia në Atlantico, më 26 shtator.
Gruaja më vonë u identifikua si Angelica Gaitan, 46 vjeçarja e zhdukur, e cila u gjet nga peshkatari Rolando Visbal, në gjendje shumë të dobësuar.
Videoja tregon momentin kur Visbal dhe një mik i tij e gjetën dhe iu afrohen gruas , ndërsa ajo thuajse nuk reagoi fare.
Peshkatari më pas përpiqet të zhvillojë një bisedë me të dhe t’i japë ujë, por viktima, e cila shfaqet e mërzitur, fillon të qajë.
Sipas raporteve, gruaja u pa atë ditë të notonte në ujë për rreth tetë orë dhe u dërgua në një spital, ku mbërriti në një gjendje shoku.
Rrethanat përreth incidentit të çuditshëm mbeten të paqarta, sidomos nga fakti që mediat lokale pyetën vajzën e gruas Alejandra Castiblanco, e cila tha se nuk kishte ditur asgjë për vendndodhjen e mamasë së saj për dy vitet e fundit.
Ajo tha se kishte dëgjuar se nëna e saj mund të kishte vrarë veten, për një marrëdhënie të prishur, ose për shkak të një sulmi nga një ish i dashuri i saj, të cilat rezultuan lajme të rreme.
Castiblanco dhe motra e saj aktualisht janë duke mbledhur para për të transportuar nënën e tyre në kryeqytetin e Bogota, ku ata jetojnë dhe shpresojnë që nëna e tyre “të rehabilitohet dhe të rikthehet pranë familjes”.
/a.r
