Prokuroria e Athinës zbardh një ngjarje të rëndë të ndodhur rreth 2 vite më parë. Në një makinë u gjet pa shenja jete një shqiptar i cili u identifikua si Rigert Dervishi. Baba i tre fëmijëve, Dervishi kishte vite që jetonte në Greqi. Ndërsa ishte një person i rregullt dhe pa precedentë penalë. Nata kur shqiptari u gjet i pajetë ishte një natë e mbushur me plot ngjarje për policinë e Athinës.
Nga njëra anë policia për orë të tëra me radhë u përball me një grup grabitësish të armatosur gjeorgjianë. Mirëpo në të njëjtën lagje “Keratsini”, dëgjohen edhe disa të shtëna të tjera. Policia ngatërrohet për shkak të operacionit që ishin përfshirë, ndërsa mjeti me shqiptarin e pajetë u gjet nga disa efektivë policie që po shkonin në ndihmë të kolegëve të tyre në operacionin e parë shkruan Newsbomb.
Policia nuk e kuptoi se çfarë i kishte ndodhur shqiptarit që u gjet i gjakosur në timon, ndërsa të nesërmen doli në një deklaratë për ‘larje hesapesh’. Pas hetimeve të mëtejshme policia dhe prokuroria nuk gjetën asnjë fakt që mund ta përfshinte Dervishin në ngjarje. Në këtë situatë u ndryshua taktika e hetimit. Atentatorët menduan se personi që ishtë në timon ishte shënjestra por në fakt ishte dikush tjetër.
Prokuroria greke ka zbardhur tashmë pas dy vitesh vrasjen e Rigert Dervishit. Në një deklaratë prokuroria bën me dije se autorët e vrasjes kanë rezultuar dy shtetas shqiptarë 31 dhe 32 vjeç. Ata ishin nisur të kryenin një vrasje me pagesë të porositur nga një shqiptar. Mirëpo objektivi nuk ishte drejtuesi i mjetit por një tjetër person, shoku i tij i ulur në vendin e pasagjerit. Njëri nga autorët e varsjes 32-vjeçari ndodhet në burg në Greqi. Ndërda për 31 vjeçarin i cili konsiderohet si ekzekutori policia e ka spallur në kërkim./a.m.
