Një sherr mes dy personave ka përfunduar për fat të mirë pa të lënduar dhe me një në pranga. Policia ka arrestuar shtetasin Pal Prenga, 27 vjeç, banues në Tiranë teksa ka referuar materialet në Prokurorinë e Rrethit Gjyqësor Tiranë, për shtetasin D. M., 31 vjeç, banues në Tiranë.
Kjo pasi tek banesat sociale, në Shkozë, gjatë një konflikti, janë goditur fizikisht me njëri-tjetrin, ku shtetasi Pal Prenga e ka kanosur për jetën me të bërtitura dhe një armë tip “Shotgun”, ndërsa shtetasi D. M. kishte një levë hekuri në dorë.
Në cilësinë e provës materiale u sekuestruan arma, 5 fishekë dhe leva e hekurit.
Parashikuar nga Nenet 280, 84, 89, 274 (Pal Prenga) e 90 (D. M.) të Kodit Penal.
c.a
