Dy shtetas shqiptarë dhe dy moldave përfunduan në prangat e policisë italiane në Modena, të akuzuar për trafikun e drogës.
Pas raporteve të shumta në lidhje me lëvizjet e çuditshme të subjekteve dhe një aktiviteti të dyshuar të tregtimit të drogës, policia u vu në lëvizje duke bërë të mundur identifikimin në një shtëpi në Vignola, shtëpia e njërit nga dy shqiptarët dhe shoqëruesit moldav, e cila shërbente si bazë logjistike për veprimtarinë e paligjshme.
Dyshimet e hetuesve janë konfirmuar: brenda shtëpisë, ku në momentin e kontrollit u gjetën vajzat, dhe ku më pas u bashkuan edhe dy shqiptarët, u gjetën 6.5 kg kokainë dhe 2.500 euro të fshehura në pjesën e sipërmet të grilave të dritares.
Në ndihmë të njësisë lokale të policisë ishin edhe qentë antidrogë, të cilët bënë të mundur gjendjet e 38 kg hashash, të fshehur në një çantë udhëtimi, të paketuara dhe gati për shpërndarje me shumicë.
Duke besuar se edhe shqiptari tjetër mund të fshihte drogë dhe para, agjentët kontrolluan edhe banesën e tij, ku u gjet dhe sekuestrua shuma prej 161,000 euro, të ndara në pako të mbyllura me nxehtësi prej 10,000 eurosh secila, si dhe peshore elektronike dhe materiale të ndryshme të përshtatshme për paketimin e substancave narkotike, shkruajnë mediat lokale italiane.
Në fund të procedurave, të katër të dyshuarit u dërguan në burgun lokal në dispozicion të Autoritetit Gjyqësor. Dy burrat u lanë në qeli, ndërsa dy gratë u liruan./ b.h
