Policia e Shtetit ka bërë së fundmi disa kontrolle në Lezhë për të gjetur Gentian Bejtjen, shënjestrën e atentatit të ndodhur para banesës së tij në Larushk.
Gati dy muaj nga ngjarja ku mbeti i vrarë kunati i tij, Ramazan Sino dhe u plagosën dy fëmijët e mitur, grupi i hetimit ende nuk ka marrë dëshminë e Bejtjes.
Kontrollet policore në disa vende ku dyshohej se po qëndronte në Lezhë nuk kanë dhënë rezultat.
Pas ngjarjes policia arrestoi Valter Bamin, të cilit iu gjetën gjurmë baruti në duar. Ndaj tij nuk u ngrit akuzë për atentatin, por ai u la në masën “arrest në burg” për akuzën e “armëmbajtjes pa leje”.
Në përballjet me gjykatën Bami tha se gjurmët e barutit i kishte nga qitjet një armë sportive, që e mbante me leje.
/a.r
