Në fshatin Radovickë të Ersekës, një sherr banal mes dy kushërinjve ka degraduar në përplasje fizike, ku shkak ka qenë një kullotë poshtë fshatit të tyre. Dy djemtë Klodian Hajdajas 30 vjeç dhe Ladimir Joti (Hajdajas) 39 vjeç, janë rrahur me njëri tjetrin për një kullotë.
Gjatë kontrollit në shtëpinë e Klodianit, policia gjeti jnë armë gjahu teke, prodhim rus dhe dy fishekë armë gjahu të kalibrit 12 mm.
Në shtëpinë e Ladimirit u gjet një tjetër armë gjahu teke, prodhim rus, dhe 16 fishekë gjahu, pa leje të organeve kompetente. Mbi dy të rinjtë rëndon akuza e armëmbajtjes pa leje dhe dhunës në familje.
