“Gratë e Kartelit” është titulli i librit që tregon sekretet e errëta të organizatës kriminale të El Çapos. Ky libër është shkruar nga gratë e dy trafikanëve që punonin për El Chapon. Ato janë gratë e Margarito dhe Pedro Flores, vëllezër binjakë nga Çikagoja, që kanë ndihmuar më shumë për arrestimin e El Chapos. Autoret e këtij libri quhen Mia dhe Olivia Flores. Kujtojmë këtu se në vitin 2015, vëllezërit u dënuan me nga 14 vite burg secili.
Në këtë libër shkruhet se:
Nga viti 2005 deri në 2008, burrat tanë trafikuan 2 miliardë dollarë në Meksikë dhe shtëpia na mbushej plot me para gjithandej. Kishim mure që hapeshin me mekanizma hidraulike, dhe brenda mbaheshin miliona dollarë në prerje të vogla, para rruge. Bashkëshortët na linin dengje me nga 1 ose 2 milionë dollarë nëpër dhomë që t’i shpenzonim sipas dëshirës.Kishin punëtorë që vinin vetëm për të numëruar paratë, me tetë-orarëshe të rregullta pune, me tre turne. Po flasim për miliona dollarë në ditë, në kartëmonedha të vogla, 10 dollarëshe, që vinin nga shitjet në rrugë. A përfituam? Sigurisht që po. Shpenzonim shumë, rrinim një muaj pa ndërprerje në plazh, por në fund të ditës donim që ta denonconim atë lloj jete, sepse rëndësi për ne kishte dashuria, familja dhe thjeshtësia.
/a.meta
