Historia tregon se fitorja me dy gola diferencë në ndeshjen e parë nuk mund të jetë kurrë garanci për t’u kualifikuar përballë Real Madrid. Skuadra spanjolle ka një histori të madhe përmbysjesh, sidomos në mesin e viteve ’80, kur fitoi edhe dy herë Kupën UEFA.
Herën e fundit që është mundur 2-0, Reali është eliminuar, por ishte Milani i madh i Arrigo Sacchit, në Kupën e Kampioneve 1989-90. Fitorja 1-0 nuk i mjaftoi skuadrës së bardhë në ndeshjen e kthimit dhe Milani vazhdoi më tej, duke fituar për herë të dytë radhazi trofeun.
Më parë, Reali ishte mundur dy herë me dy gola diferencë, 2-0 e 3-1, në të njëjtin stadium, por nga tjetër kundërshtar, Inter. Në Madrid, përmbysje pas fitoreve 3-0 e 5-1.
E para përmbysje ka qenë kundër Derby County më 1974-75, 5-1 pas humbjes 1-4 në Angli. Pastaj kanë ardhur fitoret kundër Celtic, Rangers (2-0, 3-0), për të mbërritur te ndeshja kundër Anderlecht, fitues 3-0 në Bruksel. Real shkon në 3-0 në Bernabeu, Anderlecht shkurton në 3-1 dhe duke i kualifikuar, por madrilenët shënojnë edhe tre gola në vend të dy që u duheshin, për të mos lejuar surpriza, duke fituar 6-1.
Një vit më pas, përsëri në UEFA, pragu i eliminimit nga Borussia Mënnshengladbah, me humbjen 5-1 në Gjermani. Jashtë kompeticionit deri në sekondën e fundit, kur Santillana shënon golin e fitores 4-0.
Më pas edhe një përmbysje përballë Crvena Zvezdës në 1986-87, 2-4 e 2-0, ndonëse jo me madhështinë dhe shkëlqimin e përmbysjeve të mëparshme.
Wolfburg mund të marrë zemër nga sukseset e Bayern e Borussia Dortmund, dy skuadrat e vetme veç Milanit që kanë kaluar pas fitoreve me dy apo më tepër gola përballë Realit. Fitoret e tyre, të dyja 4-1, respektivisht më 1987 dhe 2013, nuk janë përmbysur nga Reali.
Wolsfburgu mund të marrë shembull, edhe pse nuk ka peshën e emrave të mësipërm.
JavaNews
