Nga Roland Bejko
Përveç Bashës, gjithë të tjerët që gjatë këtyre viteve hodhën gurë mbi Zhozefinën, Arbenin, Astritin,Myslimin, Rudinën etj , janë përsëri aty, së bashku; Berisha, Spaho, Paloka, Ristani, Albana, Oerdi, Belindi, Tritani, madie paska shkuar edhe ishzëdhënësia e Bashës me ish shefin e tij të kabinetit, pra gjithë establishmenti që drejtonte PD-në ( me Bashën), ndante ofiqet, ngushtonte hapësirat për të tjerët, shkatëronte meritokracinë dhe projektonte veten në bollukun e pushtetit që nuk ishte larg, sipas tyre, mjaftonte të zgjasje pak më shumë dorën dhe e kapje…
Sot është dita tu tregoj dy episode për të kuptuar se morali në atë stan që e quan veten parti demokratike, nuk ka pikë vlere. Turpi aty, nëse e dinë çfarë është, hahet me bukë. Askujt nuk i bën përshtypje.
2. Te hotel Tirana po zhvillohej një takim me Drejtorin Ekzekutiv të Konrad Adenauerit ardhur nga Gjermania. Në sallë ishte gjithë paria e PD, Luli, Saliu, kryesia, deputetët. Ishte dhe Zhozefina. Kur mbaroi takimi u kalua te holli ku ishin tavolinat me pije e ëmbëlsira. Isha me Agron Gjekmarkajn në një tavolinë në këmbë diku te cepi i sallës. Me sy po ndiqnim Zhozefinën. I shmangeshin të gjithë pa përjashtim ata që po e duartrokasin sot në atë sallë. Kur u afrua tek ne, u gjend mirë. Trokitëm gotat dhe biseduam për qejfin tonë. As unë dhe as Agroni nuk e kishim merak se “udhëheqja” po na shikonte të pinim, të bisedonim dhe të gajaseshim së bashku me “të padëshiruarën” e tyre. Tani ata janë bashkë, me Zhozefinën. E duartrokasin kur po i kritikon për konformizmin që treguan duke e larguar nga partia. Unë e Agroni, s’jemi me ta. Nuk ishim as dje kur këta ishin të gjithë bashkë.
Sot, Saliu i tha Zhozit “hajd të përqafohemi se na ndau Luli”. Berishës iu deshën 9 vite për ta kuptuar se me Zhozefinën e ndau Luli.(!!) Ndërsa Luli, sot ka përsëri rastin të na ndriçojë nëse Zhozefinën, Astritin, Arbenin etj i largoi me kokën e vet dhe Saliu nuk dinte gjë apo i largoi se nuk i donte Saliu? Apo, të dyve u interesonte t’i largonin nga drejtimi i partisë dhe për këtë kishin rënë dakord të dy?!
Pa dalë këto të vërteta, ajo parti, kurrë nuk do gjejë qetësi, dhe kurrë nuk do ketë shans të rimëkëmbet. E dini pse?
-Sepse elitës së saj të përjetshme që hem të përjashton, hem të pranon, i mungon karta morale.
TE gjithë pa përjashtim, ç’janë brenda stanit të PD-së, janë pa moral, në kuptimin e plotë….të kësajë fjale.
Kur mungon morali, i ke të gjithë negativet e tjera……..ke koorupsion, vjedhje, vrasje, grabitje, dhunim, përdhunim, mungesë atdhe dashurie, etj, etj, etj……