Dy aksidente janë shënuar mesditën e sotme në Tiranë brenda pak minutave, me pasojë plagosjen e dy personave.
Ngjarja e parë ka ndodhur rreth orës 12:35, në rrugën “Jordan Misja”, ku mjeti me drejtues shtetasin E.S., ka aksidentuar këmbësorin K.Z., i cili u dërgua në spital, dhe ndodhet nën kujdesin e mjekëve.
Ndërkohë rreth orës 12:50, në rrugën e “Elbasanit”, mjeti me drejtues A.M., ka aksidentuar biçiklistin G.T.
I plagosuri u dërgua në spital dhe ndodhet nën kujdesin e mjekëve.
Aktualisht grupi hetimor dhe shërbimet e policisë ndodhen ne vendngjarje dhe vijon puna për zbardhjen e rrethanave të ngjarjes.
/a.r
