Policia e Dibrës njofton se në aksin rrugor Shupenzë-Peshkopi, pranë fshatit Vojnik, shtetasi J.K, duke drejtuar automjetin tip furgon ka përplasur këmbësorin shtetasin I.B. rreth 70 vjeç i cili ka humbur jetën.
Gjithashtu, pranë fshatit Grezhdan, Maqellarë, shtetasi E.P, duke drejtuar automjetin tip Benz, ka përplasur këmbësorin shtetasin A.I, i cili po transportohet për ndihmë mjekësore në spital në gjendje të rëndë.
Paraprakisht dyshohet se shkak i aksidenteve të jetë lagështia në rrugë si pasojë e reshjeve të dendura të shiut të rëna në orët e fundit.
Grupet hetimore kanë mbërritur me shpejtësi në dy vendngjarjet dhe kanë nisur hetimet për zbardhjen e shkaqeve të tyre.
Policia e Dibrës, përmes një deklarate, i bën apel të gjithë drejtuesve të automjeteve të respektojnë normat e shpejtësisë dhe rregullat e qarkullimit rrugor.
