“BalkanWeb” zbardh detaje të reja nga shpërthimi me tritol në makinën e punonjëses së policisë, në Durrës.
“BalkanWeb” raportoi se i është vënë tritol mjetit tip “Audi” të punonjëses Ornela Buraku.
Pas ngjarjes, policja Buraku ka deklaruar përpara oficerëve se nuk ka konflikte familjare apo me ndonjë person tjetër.
Pista e parë ku po heton policia është ajo për shkak të detyrës. Policia kishte 17 vite në detyrë, ndërsa për ngjarjen janë shoqëruar deri më tani 10 persona, për t’u marrë në pyetje.
