Një sasi lëndë plasëse i është vendosur gjatë natës makinës së Drejtorit të Hekurudhave në Durrës, Adi Dyrmishi. Ngjarja është zbuluar mëngjesin e sotëm nga vet Dyrmishi, i cili kishte parë një objekt të çuditshëm para makinës, e cila ishte parkuar në lagjen ku ai banon, afër stacionit të trenit në lagjen nr.4. Lënda plasëse ishte futur në një bidon, ndërkohë që ngelet e paqartë nëse ka qenë e fiksuar në mjet.
Aktualisht policia dhe ekspertët ndodhet në vendin e ngjarjes, ku do të përcaktohet edhe fakti se çfarë lënde ka pasur në bindon. Po ashtu pronari i mjetit do të merret në pyetje nga policia, për të hedhur kështu më shumë dritë mbi ngjarjen. Dyrmishi, prej një viti mban postin e Drejtorit ë Hekurudhave, ndërkohë që me herët ai ka mbajtur postin e drejtorit të zyrës se Pasurisë se Paluajtshme.
ma.me
