Kryeministri Edi Rama komentoi sot akuzat e opozitës për blerjen e votave.
Nga Durrësi, shefi i qeverisë tha se ky qytet ishte një njollë turpi në kohën kur drejtohej nga PD. Ai u shpreh se socialistët e kanë mundur Sali Berishën në kohën kur ai ishte më i fortë se kurrë.
“Ju keni pasur edhe të ndjerin Sokol Olldashi drejtues politik të PD-së këtu. Ishte Jozefina Topalli etj. Dhe prap Vangjushi fitoi. Për çfarë do të blinim vota ne zgjedhjet e fundit? Për të mundur Oerd Bylykbashin?” – tha Rama ndër të tjera.
***
Kryeministri Edi Rama ka vijuar fushatën në Durrës ndërsa takimin e ka hapur kryebashkiaku aktual Vangjush Dako.
Ai u shpreh para mbështetësve se socialistët nuk e kanë tradhtuar kurrë Shqipërinë. Dako listoi fitoret e PS në këtë qark duke u shprehur se përkrahja e madhe e ka kthyer Durrësin në bastion të PS.
Në Durrës PS kandidon me Valbona Sakon. Pas takimit, Rama pritet të shkojë në Shijak.
