Zjarrfikësit dhe efektivët e Forcave të Armatosura pritet të nxjerrin një grua të mbijetuar nga rrënojat e shtesës së një pallati të shembur nga lëkundjet e forta të tërmetit në Durrës. Po punohet për largimin e mbetjeve dhe nxjerrjen e saj.
Siç duket nga fotoja, punohet për nxjerrjen e të mbijetuarës nga shembja e ndërtesës nga lëkundjet e forta të tërmetit që goditi në orët e para të mëngjesit të sotëm.
Sipas informacioneve zyrtare, bëhet fjalë për shembjen e shtesës së një pallati në Durrës.
Tërmeti me magnitudë 6.3 ballë të shkallës Rihter ra në orën 03.55 të mëngjesit të së martës.
Sipas të dhënave paraprake nga Instituti i Gjeoshkencave, Energjisë, Ujit dhe Mjedisit, raportohet se epiqendra e tërmetit ishte 10 kilometra nga Durrësi dhe 31 kilometra nga Tirana.
